Се сеќавате на двете бунтовни девојки од Русија кои го запалија светот во почетокот на новиот милениум? Лена Катина и Јулија Волкова се враќаат на музичката сцена во ново, освежено издание.

Cherrytree Records, кои имаат соработувано со изведувачи како Лејди Гага, Еминем, Бритни Спирс, Шакира, Ејкон и други, повторно ќе го издадат многу успешниот прв студиски албум на англиски јазик од руското дуо кое ја потресе земјата - t.A.T.u.

Албумот насловен како 200 Km/h In The Wrong Lane („200 Км/ч во погрешна насока“) ќе биде повторно издаден како 10th Anniversary Edition (издание за десетогодишнина).

Албумот ќе ги вклучува сите добро познати песни, меѓу кои и хитовите All The Things She Said и Not Gonna Get Us, но покрај тоа ќе ја вклучува никогаш не објавената песна A Simple Motion, нов 2012 ремикс на All The Things She Said, како и поправен и подобрен звук на некои од старите песни.

Мартин, кој работи во Cherrytree Records, изјави: „Во 2002 имав привилегија да работам со жестокото дуо наречено t.A.T.u. кое ја запали Русија со својот бунтовен и вознемирен глас. Лена и Јулија се осмелија да го направат она што ретко некој се осмелува да го направи во поп музиката и го пропатуваа светот плашејќи ги родителите, но во некои случаи и нас во студиото. Се надевам дека сите ќе ни се придружите во прославувањето на роденденот на албумот кој ми е толку драг на срцето и ги постави темелите на поп музиката во 21 век.“

Датумот за излегување на албумот е 12 ноември 2012, а до тогаш потсетете се на двете најпознати песни од жестокиот албум кој ја вознемири јавноста.