Пред неколку години издаде сингл, а во октомври ќе издаде и албум кој се надева дека некој ќе го купи.

Актерката Мила Јовович до сега со музика се занимаваше само како хоби и песните ги закачуваше на својот сајт, но сега одлучи да се проба како професионалка и во октомври планира да го извади својот деби албум Sweeter Than Madness.

„Мојата издавачка куќа не знаеше што да прави со девојче од 16 години која пее фолк и свири акустична гитара. Сметаа дека би било подобро да снимам нешто што е повеќе во денс или поп фазон, но јас тоа не го сакав. Одлучив песните на фановите да им ги поклонувам на мојот сајт“, вели Мила.

Актерката која моментално го промовира последното продолжение од серијалот „Притаено зло“, откри дека од тогаш се надева дека ќе издаде вистински албум и дека некој ќе го купи.

„Албумот би требало да излезе во октомври. Продуцент е Крис Бренер, а басот го свира мојот поранешен дечко Стјуарт Зендер“, се пофали Мила.