Целосната дискографија на една од најпопуларните и највлијателни групи на сите времиња ќе биде објавена во форма на колекција од плочи.

Верувале или не, но групата The Beatles своите први четири албуми, со стерео звук и на плоча, никогаш официјално ги нема објавено во САД, па на 13 ноември таа „историска грешка“ ќе биде исправена.

Во рамки на The Beatles Stereo Vinyl Box Set кој веќе е во продажба на интернет, ќе бидат 12 оригинални албуми на бендот објавени за пазарот на Велика Британија, две „освежени“ американски изданија, како и книга од 252 страници која ја напишал Кевин Ховлет, а во која ќе има до сега необјавени фотографии од „ливерпулската четворка“.

Луксузното патување и луксузната колекција на плочи има и луксузна цена - „ситни“ 399,99 долари.