Американците „полудеа“ по новата протечена песна на Лејди Гага...

Пред неколку дена протече нова песна од Лејди Гага за која се верува дека ќе се најде на нејзиниот трет студиски албум, кој ќе биде насловен како Artpop и ќе излезе следната година.

Песната се вика Cake Like Lady Gaga (во превод: Торта како Лејди Гага), а за песна која наводно би требало да се најде на поп албум, звучи премногу хип-хоперски.

Лејди Гага во песната пцуе и зборува за тоа колку таа е успешна и славна, што на многу критичари ги натера да помислат дека ексцентричната пејачка всушност си игра мајтап со нејзината колешка Ники Минаж која во повеќе свои песни го истакнува сопственото влијание, потенцирајќи колку е „важна и незаменлива“.

Има и една друга шпекулација која кружи меѓу фановите на поп дивата, а тоа е дека песната е напишана од фан, за кого Гага ја има испеано како знак на благодарност и дека песната не треба да се сфаќа сериозно.

Како и да е, иако песната не е официјално објавена, веќе била пуштена во неколку ноќни клубови во Калифорнија, Њујорк и Флорида, а публиката едноставно „полудувала“ поради заразниот ритам на шеговитата песна.

Дали песната ќе биде објавена како официјален сингл и дали ќе се најде на албумот, Лејди Гага уште не сака да потврди.