Лана Дел Реј го промени стилот за својот нов сингл, кој ќе биде прв од нејзинот нов албум...

Пред само неколку часа убавата Лана на својот профил на Инстаграм го објави омотот за нејзинот нов сингл насловен како Ride.

Песната ќе биде најавна за нејзиниот нов албум, кој всушност ќе претставува освежена и проширена верзија на многууспешниот албум од оваа година, Born To Die. Дополнетото издание ќе биде насловено како Born To Die: Paradise Edition.

Текстот на песната ќе излезе утре, на 25 септември, а должината на песната е 4 минути и 49 секунди. Иако засега не се знае точниот датум на објавувањето на синглот, се претпоставува дека песната може да протече секој момент на интернет.

За омотот на новиот сингл Ride, Лана го има сменето имиџот, и наместо сексипилна дама со коса со боја на мед, каква што ја знаеме, се појавува како дива брунета со кадрава коса.