Откако над стотина незадоволни фанови го напуштија концертот на Мадона во Лондон, пејачката доживеа „дежа ву“ во Париз, на синоќешниот концерт во рамките на турнејата “MDNА”...

Концертот во Париз бил додаден во турнејата минатата недела, бил претставен како помал и поинтимен за разлика од другите бидејќи се одржал во салата Олимпија која примила 2.700 луѓе.

Според посетителите на концертот Мадона настапот го одработила рутински и со големо доцнење, а лутина и барања за враќање на парите дадени за карти предизвикало траењето на концертот. Мадона излегла на бината околу 22:15 часот, а веќе во 23 шоуто било готово, што предизвикало бес кај публиката.

Иако музичката дива се тргнала од сцената, останале многу луѓе кои продолжиле да свиркаат и да викаат „салопе“, што на француски значи „курва“.

Големиот број лути фанови го изразиле своето незадоволство и на социјалните мрежи.

„280 евра за место, 10 минути говор, 40 минути настап, два дена кампување пред Олимпија, страшно“, гласел еден од низата негативни коментари.