Во понеделникот, 16 јули, барбадоската пејачка на официјалниот сајт објави дека ќе лансира своја колекција облека заедно со британската марка Ривер Ајленд (River Island). Колекцијата се очекува да излезе на пазарот за сезоната пролет 2013...
"Сакам да бидам дизајнер на сопствена линија облека. Семејната модна компанија Ривер Ајленд е совршен партнер за мене за соработка. Лондон го сметам за навистина инспиративен. Се надевам дека заедно ќе создадеме нешто навистина посебно", ова го сподели Ријана со сите свои обожаватели на официјалната интернет страница.
Од своја страна Ривер Ајленд нагласуваат дека се големи фанови на стилот и музиката на 24-годишната пејачка и се чувствуваат поласкани од понудата да работат заедно.
Тоа не е првата изјава на пејачката како дизајнер. Претходно оваа година излезе втората модна рожба на Ријана во соработката со италијанската модна куќа Армани. Пред тоа младата изведувачка беше рекламно лице на брендот.
