Spice Girls планираат да организираат аукција за некои од најпознатите сценски костими, а приходите кои ќе бидат обезбедени ќе бидат наменети за добротворни цели...

Девојките се надеваат да продадат некои од костимите за поддршка на организациите "Спасете ги децата" и "Децата имаат потреба" на добротворна гала која ќе се одржи годинава.

"Јас се уште ги чувам сите костими. Голем дел од нив би сакала да ги дадам во добротворни цели и мислам дека тоа би било фантастично", изјавила Викторија Бекам.

"Се што направивме во тоа време, беше одлично. Го гледавме видеото, кое го направи Гери и речиси се расплакавме", раскажа поранешната пејачка, кој почна да се истакнува и како моден дизајнер.

Аукцијата нема да го вклучува фустанот на Гери Халивел со британското национално знаме, кој во моментов е изложен во Хард Рок Кафе во Лас Вегас. Но обожавателите на групата ќе можат да купат облека како фустан на Ема Бантон, спортски парчиња од Мел Си и комбинезони со принтови на леопард од Мел Би.