Џенет Џексон е лице на новиот број на списанието Prevention. За него 46-годишната ѕвезда зборуваше за својата вечна борба со килограмите...

По повод долгогодишните пречки на нејзиниот пат кон здрав живот Џенет тврди дека ако има нешто навистина добро што направила за своите фанови, тоа е дека им покажала колку обична и нормална е всушност и како тие исто така може да се справат со проблемите со тежината.

Сестрата на починатиот Мајкл Џексон вели дека воопшто не сака да вежба: "Не сакам да правам вежби и лесно ми досадуваат. Тони Родригез (нејзиниот личен тренер) е одличен. Секогаш ме изненадува со нешто ново. Има денови во кои не ми се трча по плажа, но тој знае колку го сакам спортот и затоа ќе одлучи да играме фудбал или едноставно ќе ме натера да глумам куче, трчајќи по тенис топка.

Кога се подготвувам за турнеја правам вежби со танчери. Тој не дели на тимови и учествуваме во секакви натпреварувања. Џенет секогаш имала проблем со јо-јо ефектот на слабеење и тврди дека вишокот на килограмите сериозно почна да го загрозува нејзиното здравје.

"Кога качив многу килограми во 2005 мојот лекар беше многу загрижен. Бев блиску до развивање на дијабетес. Дури и кога намалив, и пак качив неколку килограми секогаш ме предупредуваа за болести на срцето". Во моментов пејачката е портпарол и лице на програмата за слабеење Nutrisystem и тврди дека најубавото нешто е дека може да смета на блиските за поддршка во борбата за здравјето.

"Знаејќи дека имам проблем со перцепцијата за сопственото тело, ги молев пријателите и семејството да ми велат кога сум намалила  премногу. Зашто во спротивно ќе продолжам да се трудам да слабеам уште и уште".