Пејачот најави дека не сака малиот Закари да расте како единец, и планира ново проширување на семејството...

Елтон Џон (65) за "Gardijan" рекол дека тој и сопругот Дејвид Фурниш не сакаат двегодишниот Закари, кои го добија со помош на сурогат мајка, да биде единец.

"Не мислам дека е лесно да се биде дете на некој познат, да бидеш на мета на шегување на децата во училиште, и низ сето тоа да минуваш сам. Сакаме на Закари да му подариме брат или сестра", рекол Џон.

Тој признал дека знае оти на Закари нема да му биде лесно затоа што децата ќе го "именуваат" затоа што нема мајка туку двајца татковци.

"Ќе видиме што ќе ни донесе животот, но засега работиме на тоа тој да не расте сам", рекол Џон.

Пејачот неодамна излезе од болница, во која беше сместен поради инфекција на респиратотниот систем.

Џон и Фурниш се венчаа на 21 декември 2005 година, првиот ден кога во Британија беше дозволено да се склопуваат истополни бракови.

Џон во 2009 година сакаше да посвои момче од Украина по име Лева, но властите не му дозволија.