Се продава куќа од 250 метри квадратни, во елитниот дел на Лондон. Цена - 2,7 милиони фунти. Јавете се на Мич Вајнхаус...

Таткото на починатата пејачка одлучил да ја продаде куќата во која живееше и почина Ејми Вајнхаус. Во огласот за продажба на куќата, која го објавила една лондонска агенција, наведено е дека куќата има три големи спални соби, три влеза, голема приватна градина, одлично "централно" озвучување, насовремени безбедносни системи...

"Семејството не може да живее во таа куќа, но веруваме дека некому ќе му биде многу удобен и пријатен дом", соопштил портпаролот на семејството Вајнхаус.

Мич после смртта на Ејми изјави дека во куќата ке биде сместена "Фондацијата Ејми Вајнхаус", но десет месеци подоцна се предомисли. За сега не е познато дали парите од продажбата ќе одат на сметката на фондацијата која им помага на зависниците од дргога и алкохол.