Поминаа повеќе од три години, откако Robbie Williams го издаде албумот Rudebox. Сега тој повторно се враќа на музичкиот престол. Новиот албум ќе биде насловен како „Reality Killed the Video Star“, а се најавува и сингл, кој носи наслов „Bodies“. Ова ќе биде првото издание по Rudebox во 2006 година, албум кој публиката и критиката не го пречекаа најтопло.



На сопствениот блог, Robbie новиот албум го опишува како „убиствен“. „Ќе го слушнете стариот Robbie, новиот Robbie, но и Robbie кој никој досега го нема запознаено“ - напишала некогашната најголема британска поп-ѕвезда. Според пишувањата во медиумите, Robbie во последните години иамл психички проблеми, а еден од неговите медиумски пропратени испади беше чекањето на вонземјаните некаде во Соединетите Американски Држави.


Пејачот пишувајќи на својот блог, признал дека при создавањето на новиот албум имал огромни проблеми при пишувањето на текстовите. Поради тоа, побарал помош од познатиот хит мејкер Dona Black, кој има напишано песни за Michael Jackson. Robbie Williams во новиот албум ќе му посвети една од новите песни на починатиот крал на поп-музикаа, Michael Jackson.