Филџан за кафе со автограм и кармин од поп ѕвездата Лејди Гага беше продаден во Јапонија за 75 137.5 долари (57 776 евра), кој износ пејачката го додели на програмата за помош на жртвите од земјотресот и цунамито во март минатата година...

Сино-белиот керамички филџан од кој пејачката пиела кафе за време на прес-конференција во Токио минатата година, освен потпис, филџанот го има нејзиниот кармин и своерачната порака "Моли се за Јапонија!"

Почетната цена била 10 центи а 8 дена по објавувањето во онлајн наддавањето го помина износот од 75 000 долари.

Парите ќе и бидат донирани на организацијата, создадена од американската влада и голем број на компании, и ќе се користат во програмата за стипендии на млади Јапонци, кои ќе учат во САД.

Освен филџанот Лејди Гага на аукција ја понуди и својата белегзија, за која беа платени 240 милиони јени (2,9 милиони долари), со кои ќе се финансира реконструкцијата на областите уништени од природните стихии.