Лејди Гага открила дека конзумирала кокаин за да престане да се чувствува осамено и дека некогаш дрогата била нејзин "пријател"...

Во разговор за шоуто "The Conversation" Гага на водителката Аманда и раскажала дека земала кокаин за да ја пополни празнината која ја чувствувала. "Уште на 19 години ќе отидев во својот стан и само седев. Беше тивко и се чувствував осамено. Телевизорот работеше цело време за да имам чувство дека имам некој со мене".

Објаснувајќи дека тогаш била во депресија појаснила дека осаменоста ја навела на дрога: "Имав чувство дека дрогата е мој пријател. Никогаш не се дрогирав во друштво. Тоа е грозен начин да ја пополниш празнината која ја чувствуваш, затоа што не е реално".

Сепак, на време сватила дека кокаион ја убива нејзината креативност: "Еден ден се разбудив и си реков: 'Каква глупача си ти. Да си вистнски уметник ќе беше насочена кон музиката. Не би ги трошела парите на бел ѓавол'."