Легендарниот Боб Дилан оваа пролет ќе го прими граѓанското одличје кое го доделува американскиот претседател, а е еквивалентно со статусот витез во Велика Британија. Oрденот на слободата е наголемото граѓанско одличје, а во минатото го имаат добиено Мајка Тереза и Стефан Хавкинг...
"Овие извонредни личности доаѓаат од различни животни средини и различни животни стилови, а секој од нив дал свој траен допринос за нашата земја. Не инспирираа, ни поставија нови предизвици и го направија светот подобро место за живеење. Се радувам секогаш кога го доделувам ова признание", изјавил претседателот Обама и го најавил Боб Дилан како добитник.
Во меѓувреме, според албумот на Боб Дилан "Blood on the Tracks" од 1975 ќе биде снимен филм. Авторските права на албумот ги купи бразилската компанија RT Features која планира да го прилагоди филмот на англиски јазик па моментално се во потрага за режисер.
Боб Дилан е во студио во Лос Анџелес каде полека го снима материјалот за новиот албум. Неговиот последен студиски албум "Christmas in the Heart" е објавен 2009 година.
