Кралицата на попот и се воодушевува на младата пејачка и сака заедно да снимат песна.

Мадона во едно интервју рече дека има голема желба да соработува со Адел. Таа на помладата колешка ја почести со комплименти уште пред неколку месеци, кога модниот могул Карл Лагерфелд изјави дека е дебела, а Мадона ја одбрани.

„Адел е генијална, фантастична, преубава. Би била воодушевена да ја запознаам и евентуално да договорам соработка со неа“, рече Мадона за британските медиуми.

Кралицата на попот откри дека сакала и Адел да и се придружи на настапот на Super Bowl, но дека тоа не било возможно затоа што британската пејачка уште се опоравуваше од операцијата на гласните жици.

„Можеби мојот настап во Хајд паркот оваа лето ќе биде идеална шанса да направиме нешто заедно“, рече Мадона.

Адел се уште се нема огласено по повод оваа приказна, но сигурно е дека вниманието и комплиментите од една од најпознатите пејачки на светот и годат.