Браќата на Мајкл Џексон, собрани во бендот The Jacksons, која се создаде од некогашниот состав The Jacksons 5, кон почетокот на летото ќе тргнат на светска турнеја.

Џермејн, Марлон, Џеки и Тито Џексон за прв пат по 28 години ќе тргнат заедно на турнеја. Последниот пат како петорка ги предводеше легендарниот Мајкл Џексон, а настапуваа во далечната 1984 година.

The Jackson 5 влегоа во историјата како прв бенд кој своевремено своите први четири синглови успеаа дебитатно да ги пласираат на врвот на америкaнската Billboard листа на синглови, а бендот во 1997 година е воведен во Куќата на славните рокенроли.

Сега, по четири децении работа и нов четиричлен состав, бендот за оваа лето најави Unity Tour 2012, а Џермејн Џексон вели дека на фановите ќе им претстават колекција од своите познати хитови, но дека турнејата делумно ќе биде посветена во сеќавање на братот Мајкл.

„Многу сум среќен што повторно ќе се најдам на бината со моите браќа. Едвај чекам повторно да ги запееме сите оние песни кои во толкава мера станаа дел од нашите животи. Подготвени сме за турнеја, и посветени сме на задачата да го оджиме семејното наследство во живот и уште еднаш да ги демонстрираме нашите настапи со најголемо ниво на исклучителност, креативност и, пред се - интегритет.“