Славниот гитарист најави „подарок за фановите“ по повод половина век постоење на бендот.

Иако фановите ширум светот очекуваа дека Rolling Stones ќе тргнат на роденденска турнеја оваа година, од тоа нема ништо затоа што оние како година на почеток на својата работа ја слават 1963. Велат дека тогаш официјално почнале со работа, а дека 1962 се зачнати.

Гитаристот Рони Вуд вели дека сите посакале заедничка работа и дека овој месец почнуваат со снимање на нови песни.

„The Rolling Stones овој месец влегуваат во студиото затоа што сите сакаме да си поиграме со некои нови музички идеи. Ја посакуваме студиската атмосфера. Тоа ти е како подготовка за Олимпијата или нешто слично. Морате постојано да бидете во форма, па ете така ние почнуваме со тренингот“, рече Вуд за Mirror.

Тој не можел да каже кога планираат да ги објават „резултатите од тренингот“, но дека речиси е сигурно дека тоа ќе биде, ако не кон крајот на оваа, тогаш кон почетокот на наредната година, кога би требало да тргнат на роденденска турнеја.