Синот на Пол Мекартни откри дека децата на членовите на легендарната четворка од Ливерпул основаат бенд.

Џејмс Мекартни вели дека заедно со синовите на Џон Ленон, Џорџ Харисон и Ринг Стар - Шон, Дени и Зек, планираат формирање на бенд кој би се викал The Beatles - The Next Generation.

„Јас сум за тоа. Шон изгледа заинтересирано, а и Дени исто така“, рече пејачот и гитарист Џејмс Мекартни за BBC.

Тој вели дека единствено Старки не е баш претерано заинтересиран за формирање на бенд, но дека „со помош на природата“ бендот сепак би можел да се формира.

Сите четворица продолжиле по стапките на своите родители и кариери изградиле во музичките води. Шон Ленон е пач и кантаутор од Њујорк, додека Дени Харисон го има бендот thenewno2.

Зек Старки, како и татко му, станал тапаар и настапувал со бендовите The Who и Oasis.

Џејмс Мекартни вели дека „сонувал дека е поголем од The Beatles“. „Не верувам дека тоа е можно, но би сакал да им бидеме барем рамни.“