Во интервју за едно француско радио Адел изјави дека најверојатно кон крајот на оваа година ќе издаде нова песна која ќе нема никакви допирни точки со албумот "21"...

Нејзиниот албум "21" сеуште одлично се продава, а пејачката вели дека дури кон крајот на оваа година ќе издаде една потполно различна песна во однос на оние кои ги снимила досега.

"Една песна ќе издадам кон  крајот на оваа година, а за албум сеуште незнам. Се зависи од тоа колку брзо ќе ми оди пишувањето на песните. Тоа најверојатно нема да се случи оваа, а ниту пак  наредната година. Мислам дека ќе ми требаат добри две години".

Адел вели дека да се биде пејач и композитор воопшто не е лесно, и се надева дека нејзините фанови нема да и замерат за тоа што сеуште не работи на својот следен албум.