Пејачката најави дека наскоро ќе се посвети на снимањето песни за седмото студиско издание.

Ријана во ноември минатата година го објави албумот Talk That Talk, но веќе почнала да работи на следниот проект.

„Добра сум во ‘мултитаскинг’. Моментално собирам песни, преслушувам се и сешто и размислувам во кој правец би сакала да одам. Имам неколку ‘груби’ идеји, но се уште е во многу рана фаза“, кажа таа за Capital FM.

Ријана минатата недела се нашла на удар на критиката, бидејќи поединечни медиуми кажале дека не е добар пример за младите девојки поради пресекси имиџот и спотовите во кои прикажува убиство, напад и други насилни сцени.

„Нема да се променам, затоа што ублажувањето на мојот имиџ би ја компромитирала мојата уметност“, рече пејачката.