Младиот Британец го воодушевил жирито на шоуто Britain's Got Talent и веќе му го предвидуваат успехот кој го постигна Шкотланѓанката.

Џонатан Антоан (17) излегол срамежливо на бината, пред „суровото“ жири со кое претседава Сајмон Кауел. Полничкиот тинејџер најавил дека ќе пее опера, а потоа го фатил микрофонот...

Иако Кауел прво преврте со очите кога го виде, и тој остана без здив кога Џонатан ја запеа The Prayer со другарката Шарлот.

„Ќе бидеш ѕвезда, неверојатен си“, му рекол „стравот и трепетот“ за младите музички ѕвезди.

Антоан признал дека е „болно срамежлив“ и дека пред неколку месеци имал нервен слом затоа што не можел да се носи со стресот во средното училиште. Тинејџерот, за чудо, својот талент за опера го открил пред неколку години, кога поради проблеми со грлото морал да зема часови по пеење.

Слушнете го младичот кој британскиот пејач го нарекува „машка Сузан Бојл“.