Сега веќе „митското“ издание, и првиот официјален албум од 2009 би требало да биде објавен во јули, ако раперот повторно не се предомисли.

50 Cent е повторно активен на Твитер, а фановите ширум светот ги израдувал со информацијата дека долгоочекуваниот и неколку пати најавуваниот, па откажуван, нов албум ќе биде објавен на 2 јули.

„Мојот роденден е на 6 јули, па тоа ми е еден многу мил датум. Значи, 2 јули нов албум, 4 јули Ден на независноста, а 6 јули - мојот роденден“, напишал славниот рапер.

По коментарите на фановите дека не му веруваат многу, тој додаде: „Верувајте ми, сега сум сосема подготвен и стигнува на 2 јули.“

Претходниот албум Before I Self Destruct, 50 Cent го објави пред три години, а до сега во Америка е продаден во повеќе од половина милион примероци.