Американскиот пејач се уште го држи рекордот за најпродаван албум од 2004 година, но Адел му е зад петите со својот албум 21 кој непрекинато ги руши рекордите во продаваност.

Албумот на Ашер од 2004 година е продаден во 7,9 милиони копии, а славната Британка до сега има продадено 5,6 милиони примероци од својот албум 21 кој и понатаму одлично се продава.

„Луѓе, не купувајте го албумот на Адел. Мене многу ми се допаѓа тоа што таа го прави, но за жал блиску е да го собори мојот рекорд за последните десет години“, порача Ашер.

Славниот RnB пејач со синглот Climax го најави својот седми студиски албум кој ќе биде објавен на 16 април.