Причината за повлекувањето на Чешка од Евровизија е намалениот интерес на телевизиските гледачи во Чешка. Но, можеби поблиску до вистината е можноста дека Чесите не сакаат повеќе да се срамотат на европската сцена. Нивниот претставник оваа година, групата Gipsy.cz во полуфиналето собра 0 поени. А тоа е прв случај во последните 5 години. Гласноговорникот на државната телевизија од Прага тврдел дека преносот на спектаклот оваа година го следеле многу мал број на луѓе и дека веќе нема смисла да учествуваат на натпреварот поради малата заинтересираност.

Од друга страна пак, нивните соседи, Словаците, кои во Москва се вратија на сцената по 11 години пауза, не ни помислуваат да се откажат иако нивните претставници исто така не се пласираа во финалето.