Најголема сензација на овогодинешниот “Евросонг” сигурно ќе биде групата “Бурановски бабушки”...

Бабичките од руската група, која е составена од жени на возраст од 43 до 86 години, деновиве посетија едно село во Удмуртија во централна Русија, во рамките на својата промотивна кампања пред одењето во Азербејџан.

Тие биле во селото Лудорваи во кој се наоѓа народен музеј, со зачувана автентична атмосфера на руските села.

Таму ги хранеле коњите, козите, се скијале, се санкале, пробувале облека направена од кожа и дрва и одлично се забавувале.

На натпреварот кој оваа година во мај ќе се одржи во Баку, тие ќе ја пејат песната „Party for Everybody" која засега е фаворит во обложувалниците.