Недела дена пред официјалното објавување на новиот албум на кралицата на попот, МDNA во целост се појави на интернет.

12 студиски албум на Мадона официјално ќе биде објавен на 26 март, а ни предупредувањето на нејзиниот менаџер Гај Осереј дека секој кој без дозвола ќе објави било што ќе си има работа со полицијата, не помогна.

Иако менаџментот на Мадона се обидува да го спречи неовластеното симнување на албумот од интернет, тој се наоѓа речиси на сите „пиратски“ сајтови, а фановите ширум светот се воодушевени од новите песни. Критичарите за сега молчат...

Мадона порано изјави дека целиот албум го направила во „денс фазон“ затоа што сака на своите концерти да види само насмеани лица.

„Сакав да направам безусловно среќен албум. Мислам дека на сите нам во овие луди времиња ни се потребни малку повеќе среќа и танцување. На светот му треба да дише слободно, а Мартин Солвејг знае како на луѓето да им измами насмевка на лицето и затоа тој е главниот продуцент“, објасни Мадона.