Австралискиот пејач е запрепастен од фактот дека песната Somebody That I Used To Know станала светски хит.
Вутер де Бакер (31) попознат како Готје за BBC рече дека за снимањето на таа песна му биле потребни две години, а дека настанала во амбар во Австралија.
„Едвај ја извлеков од себе таа песна. Ја напишав првата строфа и потоа се ‘заледив’. Поминаа цели недели додека не ми падна на памет втората строфа која ја пее девојката“, вели тој.
По повеќе месеци, се поврзал со Кимбра која гостува на песната и го направил хитот кој ги освои топ листите и срцата на слушателите.
„Ми се чини дека песната им се допаѓа на луѓето кои се во комплицирани врски, или штотуку раскинале со некој. Но, ни за милион години не можев да сонувам дека ќе стане хит, ниту дека моето име ќе го знаат луѓето ширум светот.“
Синглот Somebody That I Used To Know, од неговиот трет албум Making Mirrors, ги освои првите места на топ листите во 13 земји, а во Австралија постигнал осмострук платинумски тираж.
