Американската инди-рок тројка во мај ќе го издаде новиот албум Perfect World, а веќе го објавиле истоимениот најавен сингл.

Групата предводена со харизматичната фронтменка Бет Дито последниот албум го издаде пред три години, а петтиот студиски албум го продоцирале Брајан Хигинс и Марк Ронсон.

Иако не сакала да зборува многу за новиот албум, Бет рекла дека Марк и неа ги споила љубовта кон кантри музиката.

„Двајцата сакаме кантри музика и тоа можеби ни е омилениот музички правец покрај панкот и хип-хопот“, изјави Дито, не сакајќи да открие дали новиот албум ќе има призвук на музика од американскиот југ. Ако се суди според најавниот сингл, групата Gossip останува верна на звукот со кој се прославија.