Janis Joplin: The Pearl Sessions донесува неколку се уште не објавени песни.

Посебно издание на постхумниот албум Pearl на музичарката Џенис Џоплин, кој прв пат е објавен во 1971 година, ќе доживее уште едно свое реиздание на 13 април.

Под наслов Janis Joplin: The Pearl Sessions, албумот ќе содржи и некои досега необјавени песни и изворни верзии на песните кои прв пат се објавени на него. Освен тоа, на албумот ќе има и вистинско честење за фановите, а тоа се снимки од разговорите на Џенис во студиото.

Потсетуваме, Џенис умре на 4 октомври во 1970 година на возраст од 27 години. Пронајдена е мртва во хотелска соба, а причина за смртта било предозирање со хероин во комбинација со алкохол.

Остана запаметена како една од најпознатите блуз пејачки, а ја нарекоа и „бела девојка со глас на црна“. Во текот на животот снимила многу музички хитови кои и денеска се многу популарни.

Последната песна која Џенис ја снимила била Mercedes Benz, на 1 октомври 1970 година, а ја снимила од прв обид.