Пејачот од групата Oasis, Liam Gallagher синоќа налутено ја напуштил сцената во Лондон откако бил погоден од кргла за пиво која долетала од публиката. Повремено непресметливиот фронтмен на групата Oasis, 36-годишниот Liam Gallagher вчера налутено ја напуштил сцената во познатиот кафич Roundhouse во Лондон. Liam се повлекол откако ја навредил публиката поради фрлената кригла и на сцената го оставил својот поголем брат, 42-годишниот Noel Gallagher. Како постар брат, Noel не знаел дали брат му ќе се врати повторно на сцената, па останал да го чека осамен половина час пред бесната публика, пред да сфати дека неговиот брат дефинитивно заминал и не планира да се врати.

Радио екипата која го пренесувала коцертот подоцна јавно се извинила на своите слушатели поради непримерниот вокабулар на Liam кој го истурил врз публиката. Liam наводно се изнервирал од публиката која со пијалоци во рацете се туркале кон сцената, истурајќи ги пијалоците наоколу. Во еден момент откако изрекол мноштво од неугодни зборови упатени кон публиката, рекол: „Само се надевам дека се чувствувате незгодно, баш како јас што се чувствувам сега“, и после овој говор некој од публиката фрлил голема кригла со пиво кон пејачот по што Liam видно изнервиран се повлекол од сцената. Помалку и бизарно е искусен пејач и уметник да се однесува толку незрело, но тоа не му е прв пат. Слична сцена се случила и во 2000 година во Париз, кога им се развикал на фановите затоа што плескале со рацете додека тој ги интерпретирал своите песни, а плескањето со рацете ужасно го деконцентрирало.