Андре 3000 на медиумите им открил дека тој и Big Boi не размислуваат за продолжување на соработката.

Фанк и хип-хоп дуото Outkast, последен пат соработувал на саундтракот за филмот Idlewild во 2006 година, а сега пејачот на култната Hey Ya открива дека тоа изгледа била нивната „лебедова песна“.

„Читам статии во кои пишува дека во подготовка е нов албум, но тоа не е вистина - нема албум, ни планови тој да биде снимен“, рече Андре за списанието GQ.

„Многу музика има на хоризонтот и уживам во музиката на некои нови луѓе. Ја имав таа привилегија некои од нив да ми се јават и да ми кажат дека сакаат да соработуваат со Андре 3000 и воглавно ги прифаќав тие повици. Тоа ме држи во живот.“

Музичарот додава дека оваа година „најверојатно“ ќе објави соло албум. „Познавајќи ме мене, најверојатно е вистинскиот збор. Се надевам дека ќе биде готов оваа година, а што се однесува до Outkast... не знам што ќе биде од тоа.“