Кралицата на поп музиката објави тизер за вториот сингл Girls Gone Wild од новиот албум MDNA.

Официјалниот датум за објавување на синглот се уште не е познат, но менаџерот на Мадона, Гај Осери, на својот Твитер профил потврди дека ова ќе биде вториот сингл и дека пристигнува наскоро.

„Режисери на спотот за песната Girls Gone Wild, кој е снимен оваа недела, се Мерт и Маркус кои ги правија фотографиите и омотот за албумот“, напишал Гај.

Првиот сингл на Мадона Give Me All Your Luvin', кој премиерно го изведе на полуфиналето на Super Bowl, моментално е десетти на топ листата на Billboard, а воедно и нејзиниот 38 сингл кој дебитирал меѓу десетте најпродавани во Америка со што таа го сруши сопствениот рекорд.

Мадона ги демантираше гласините дека на нејзиниот албум гостува и Бритни Спирс, велејќи дека тоа се лаги, но дека таа многу ја сака Бритни и дека секогаш е добредојдена како гостинка на сцената.

Албумот MDNA ќе биде објавен на 26 март.