Кралицата на поп музиката го издаде најавниот сингл за новиот албум, Give Me All Your Luvin, за кој објави и спот.
Синглот премиерно ќе го изведе во полувремето на финалната утакмица за титулата најдобра екипа во американски фудбал. Мадона настапот го најави како „спектакл кој до сега не е виден на планетата“, а со неа на сцената, кога ќе го заземе речиси пола терен, би требало да настапат и раперките M.I.A. и Ники Минаж, кои се гости во новата песна.
Мадона со овој сингл, чиј е коавтор, го најавува долгоочекуваниот албум M.D.N.A., а спотот е инспириран од американскиот фудбал и навивачите каков што би требал да биде и настапот на најгледаниот спортски настан на планетата.
Албумот M.D.N.A. е снимен во Лос Анџелес и Њујорк, а на Мадона на оваа издание повторно и се придружи познатиот Вилим Орбит со кој соработуваше на албумот Ray of Light. На луксузното издание на албумот ќе има дури 15 песни, а вториот сингл на кралицата на попот би требало да биде објавен кон крајот на месецот.
Masterpiece, синглот од саундтракот на филмот на Мадона W.E., кој освои Златен глобус, ќе се најде на новиот албум кој ќе се појави во март.
Последниот албум, Hard Candy, го издаде во април 2008 година, а за него одржа и светска турнеја насловена како Sticky and Sweet. За сега нема официјални информации за нова турнеја, но американските медиуми пишуваат дека е речиси сигурно дека Мадона во почетокот на летото ќе тргна на уште едно незаборавно патување по светот.
