Кралот на попот пред неколку години снимил албум базиран на поезија, но тој дури сега ќе ја види светлината на денот.

Мајкл Џексон снимил албум базиран на делата на шкотскиот поет Роберт Бернс, односно напишал музика за неговите стихови и планирал од тоа да направи сценски мјузикл.

Албумот наводно се наоѓа во сопственост на Девид Џест, музички промотер и поранешен сопруг на Лајза Минели.

„На албумот се наоѓаат десетина песни снимени според поезија на Бернс и ќе го подарам на музејот на Бернс во Ејршир“, рече Џест за британскиот печат.

Неименуван претставник на шкотските власти потврди за BBC дека во тек се преговорите за донирање на „извесен музички материјал“, но не разјасни дали истиот ќе биде објавен.

Џексон умре во јуни 2009 од преголема доза на лекови, а неговиот лекар Конрад Мареј ќе одлежи две години затвор поради убиство од невнимание.