Американската турнеја на бендот Red Hot Chili Peppers е одложена поради операцијата на фронтменот Ентони Киди.

Бендот веста за одложување на турнејата ја објави на својот сајт, како и тоа дека Киди морал да биде опериран на стапалата поради повреда која веќе го мачи подолго време и поради болките кои станувале се посилни.

„Ентони неодамна имаше операција на стапалата и очекуваме наскоро да се опорави“, се наведува на сајтот на бендот. Турнејата која требаше да почне на 20 јануари, ќе почне на 4 февруари и ќе трае се до октомври 2012 година, а за тоа време бендот ќе настапи во над 20 градови во Америка.

Бендот во август минатата година го издаде новиот студиски албум I'm With You.