Рокерите од Лас Вегас оваа година ќе го објават својот четврти студиски албум.

Веста за повторното формирање на бендот по излетот на фронтменот во соло водите, го потврди и самиот пејач Брендон Флауерс.

„Ќе издадеме нов албум во наредните 12 месеци“, рече Флауерс во интервју за BBC. „Сите сме во студиото и се чувствуваме одлично што повторно правиме врева заедно“.

Фронтменот на американскиот рок бенд откри дека песните на новиот албум ќе звучат „малку поинаку“.

„Не ни е во интерес да снимаме Hot Fuss 2, Sam's Town 2 или Day & Age 2. Ќе се обидеме да го земеме најдоброто од таа музика, а потоа да направиме нешто ново.“