Sir Elton John во склоп на својата турнеја синоќа приредил двочасовен спектакл, со што и го отвори фестивалот Хистриа во Арената во Пула (Хрватска).

Еден од најпродаваните и најпопуларни музичари на сите времиња за прв пат настапил во Хрватска во својата 50 години долга музичка кариера. Се чинело дека Elton John бил нестрплив да излезе на сцената затоа што концертот започнал 20 минути порано од времето кое било предвидено за почеток на концертот.

Концертот траел цели два часа во прекрасна атмосфера во која Elton John заедно со својот пратечки бенд  ги изведувал своите најголеми хитови на прекрасно осмислената и осветлена сцена. Директорот на фестивалот Хистриа, Bashkim Shehu изјавил дека, иако Elton John е голема ѕвезда од стара школа, сепак немал некои посебни и екстремни побарувања. Во текот на настапот пиел вода, а на крај како подарок добил најдобри вина од Истарската винарија. Музичкото случување го привлекол и хрватскиот културно-политички џет-сет.