Сопственикот на фудбалскиот клуб Челзи, Роман Абрамович, го ангажирал бендот да ги забавува гостите на неговата журка за Нова година.
Калифорнискиот бенд ќе настапи на 31 декември на имотот на рускиот милијардер Роман Абрамович, на карипскиот остров Сен Барт, пред околу 300 поканети гости.
Американските и британските медиуми пишуваат дека хонорарот на бендот Red Hot Chili Peppers во „најлудата ноќ“ не е познат, но дека Абрамович за организацијата на дочек на 2012 година издвоил речиси 8 милиони долари.
Минатата година на дочек на новата година беа Деми Мур, девојката од Transformers - Роузи Ханингтон Вајтли и Џорџ Лукас.
