Лена Катина ја сними песната Keep On Breathing, вклучувајќи се во акцијата за помош на децата во Јапонија.

Keep On Breathing е името на новата песна на Лена Катина, едната половина од контроверзниот руски бенд t.A.T.u..

Катина, која во моментот живее и работи во Лос Анџелес, Калифорнија, го подготвува својот прв соло албум, а со песната Keep On Breathing се вклучи во многубројните добротворни акции со кои се собираат средства за децата од Јапонија кои настрадаа од земјотресот кој ја погоди оваа земја во март оваа година.

Песната може да се купи, со што сите средства ќе одат на сметка непрофитната организација „Ашинага“, која ги поддржува непривилигираните деца во Јапонија, или да се симне бесплатно од официјален линк кој пејачката го објави на своите официјални Фејсбук и Твитер профили.

По успехот на првиот сингл, Never Forget, се надеваме дека кариерата на Лена ќе продолжи да реди само успеси, а со песната Keep On Breathing докажа дека освен волшебен глас има и големо, добро и благородно срце.

Дали оваа песна ќе се најде на новиот албум на Катина, засега не е познато.