Ако мислите дека песните на Гага се од денес за утре, подгответе се да го промените мислењето.

Многумина Лејди Гага не ја сфаќаат многу сериозно, туку ја гледаат како само уште една од морето изведувачи кои се обидуваат да опстанат на сцената со два-три добри хитови.

Меѓутоа, за среќа, Лејди Гага ги има најдобрите фанови на светот кои со своите фан-проекти на светот се обидуваат да му го покажат спротивното, односно дека музиката на Гага звучи добро во било кој жанр.

Еден од последните поголеми проекти е The Monster Symphony (Чудовишната симфонија), краткометражен филм само со шест песни од Лејди Гага изведени од Aston Music. Филмот е на Нејтан Хат и Рис Фарис.

Се раскажува за забранетата љубов меѓу двајца млади, кои откако ќе бидат откриени од таткото на девојката, тој пука во момчето кое паѓа покосено. Следува неговата борба со Смртта која е прикажана на многу уметнички и импресивен начин, за на крај да триумфира со неприфаќање на поразот од страна на момчето кое се буди во прегратките на својата сакана.

Симфонијата свири пет песни од Лејди Гага по следниот редослед: Bad Romance, Paparazzi, Telephone, Alejandro и Judas кои совршено се вклопуваат со дејствието на филмот и прикажените сцени.

Видеото е качено пред точно еден месец, а целта на фановите е видеото да стигне до очите на Лејди Гага, со помош на социјалната мрежа Tвитер.

Погледнете ја и вие епската Чудовишна симфонија!