Веста која го обиколи светот е дека победникот на Американскиот Идол, Адам Ламберт, наводно е наследникот на легендарниот Фреди Меркјури.

Легендарниот бенд направи неколку концерти со пејачот Пол Роџерс, по што вредно работеше на снимање албум со познати музичари како гости и подготвување на нова турнеја.

Во меѓувреме тргнаа гласини дека бендот бара нов пејач, па дури Брајан Меј рече дека преговарал и со Лејди Гага која ќе се појави како еден од гостите на албумот. Сега, меидумите пишуваат дека Queen се закачил со Адам Ламберт, победникот на музичкото натпреварување, со кого бендот настапи на доделувањето на Европските музички награди.

„Адам полека, но сигурно станува голем фронтмен“, рече тапанарот Роџер Тејлор, кој не сакаше да открива дали Адам ќе биде само гостин на новиот албум или новиот Фреди Меркјури.