Албумот „21“ на британската пејачка Адел сега и официјално е најпродаваното музичко издание во овој век. Рекордот досега му припаѓаше на албумот Back To Black на Ејми Вајнхаус.

Албумот „21“ од објавувањето во јануари оваа година до сега е продаден во 3,4 милиони копии, а Back To Black во 3,3 милиони. Албумот на Адел и 45 недели беше меѓу петте најпродавани од што 18 недели беше најпродаван албум на Островот.

Покрај Велика Британија, „21“ е и најпродаван албум оваа година и во светот благодарение на што младата пејачка е номинирана во шест категории за престижната награда Grammy.

„Ова беше моја година и само можам да кажам дека сум почестена. Јас направив албум, но вие овозможивте да биде тоа што е“, изјави Адел.

Пејачката неодамна ја заврши операцијата на гласните жици, но се помина како што треба и наскоро би требало да се врати на сцената.