Фронтменот на бендот Nine Inch Nails објави листа од 39 песни кои го сочинуваат саундтракот на римејкот на филмот „Девојката со тетоважа на змеј“.

Дискот на кој се наоѓа повеќе од три часа музика, Трент Резнор го составил со британскиот продуцент Атикус Рос, а ќе биде објавен на 9 декември.

Тие двајцата на дискот ја ставиле и обработката на песната Immigrant Song на групата Лед Цепелин која за потребите на филмот ја испеа Карен О, пејачката на бендот Yeah Yeah Yeahs, а на дискот е и синглот на Брајан Фери Is Your Love Strong Enough.

Римејкот на филмот, кој во европские кина пристигнува на 26 декември, е во режија на Дејвид Финчер, а главните улоги ги толкуваат Даниел Крејг и Руни Мара.