Контроверзната поп-дива планира двегодишна турнеја - сака да го сруши рекордот на U2.

Амбициозната американска пејачка Лејди Гага не планира наскоро да застане и да се одмори. Ексцентричната Гага наводно сака да го сруши рекордот кој минатата година го постави U2 со својата турнеја „360 степени“, најпосетувана на светот.

Како што и самото име на турнејата кажува, U2 го обиколија цела земјина топка. Изгледа дека Гага сака да ја обиколи два пати.

Британскиот The Sun ги пренесува зборовите на својот извор: „Гага планира двегодишна турнеја со 450 концерти. Сака да си постави што е можно повисока цел.

Освен вообичаените концертни рути, следната година во план се Азија и Индија. Секогаш е така со неа, идеите и доаѓаат на сон. Никој досега нема направено турнеја со 450 датуми, но Гага не смета дека тоа е причина зошто таа не би се обидела.“