Издавачката куќа Island нема да објави 12 песни, на барање на покојната пејачка...

Новиот албум на пејачката која почина во јули од тровање со алкохол ќе се вика Lioness: Hidden Treasures, но на него нема да се најдат песните кои Ејми не сакала да ги објави.

Даркус Бис од Island рече за The Sun дека постојат 12 песни кои не биле сосема завршени и дека покрај фактот дека би можеле да бидат доработени и објавени, нема да ја видат светлината на денот.

„Постои една песна наречена Procrastinate, во која се вљубуваат сите кои ќе ја чујат. Меѓутоа, Ејми инсистираше песните да не ги објавиме додека лично не ги заврши. Со самото тоа, ако некогаш некаде ја чуете Procrastinate, дојдете во мојата канцеларија и отпуштете ме“, рече Бис, кој беше и близок пријател со Вајнхаус.

Албумот Lioness: Hidden Treasures ќе се појави во продажба на 5 декември.