Објавувањето на постхумниот албум на Мајкл Џексон, Immortal најавено е за 21 ноември, а првиот сингл веќе излезе.

Immortal е еден од серијата постхумни албуми кои ќе бидат објавени во наредниот период, а Dancing Machine/Blame It On The Boogie е првата песна од претстојниот албум, кој излегува во издание на издавачката куќа Epic Records.

Албумот ќе има 22 песни, кои се опишани како „новооткриени верзии на познати песни и алтернативни верзии на стари хитови, како и колекција од mashup и remix верзии на песните“, пишува списанието Billboard.

Immortal нема да биде последното „ново“ издание кое ќе го потпише Кралот на попот - наследниците на славниот пејачк, собрани под организацијата Michael Jackson Estate со која управуваат некои членови од неговото семејство и адвокатот Хауард Вајцман, најавуваат дека ќе има уште.

Вајцман за списанието Billboard изјави дека е во план следната година повторно да се издаде албумот Birt, како и најмалку уште еден колекционерски албум.

Песната можете да ја слушнете овде.