Дуетите кои пред дваесетина година ги снимиле Фреди Меркјури и Мајкл Џексон ќе бидат објавени следната година.

Гитаристот на бендот Queen, Брајан Меј откри дека наредната година ќе бидат објавени неколку дуети кои двајцата највлијателни музичари на минатиот век ги снимиле уште пред 20 години.

„Мајкл не посветуваше додека бевме на турнеја низ Америка во осумдесетите години, па тој и Фреди многу се зближија и станаа добри пријатели. Биле толку добри, што во куќата на Мајкл снимиле неколку песни кои никогаш не се објавени“, рече Брајан.

На прашањето кога песните ќе бидат објавени, тој кратко одговори: „Наредната година и за тоа ја имаме и поддршката на семејството Џексон“.

Бендот наредната година планира и да објави нов албум на кој ќе се најдат демо снимките и песните кои не се објавувани порано, а ги пеел Фреди. Датумот за излегување на овој албум се уште не е познат.