Веќе и врапчињата на гранките знаат дека пејачката Адел тагува по својот бивши дечко и дека нејзините тажни балади се создадени по нивното раскинување.

Во неодамнешно интервју за списанието Glamour, пејачката откри и кога го напишала еден од своите најголеми хитови, Someone Like You, кој веќе со месеци не се симнува од врвовите на топ листите и дека по главата уште и се мотаат црни мисли.

„Таа песна ја напишав кога бев настината и седев на својот кревет, чекајќи кадата да се наполни со вода. Некој ми прати SMS во кој пишуваше дека мојот бивши само што се верил! Веќе го преболев, но помислив: О, зарем толку лесно можам да се заменам!? Тој никогаш не ни сакал да биде со мене. Секогаш велеше: Дури и засекогаш да останеме заедно, јас не планирам да се оженам. А тогаш така лесно се вери! Мислев дека е крај на светот и дека засекогаш ќе останам да седам во својата мрачна соба додека не ме изеде некое куче“, изјави огорчената Адел.

Исто така призна дека и е многу тешко повторно да ги изведува песните за некој со кој веќе оддамна раскинала, и дека тоа само го отежнува процесот на зацелување: „Моите песни делуваат како терапија за моето срце. Но, сепак одвреме-навреме станувам многу тажна, па знаат да се случат и навистина засрамувачки сцени. На концертот во Бирмингам ги пеев песните Make You Feel Like My Love и Someone Like You и се расплачав пред публиката!“

По оваа тажна приказна, новинарката на списанието Glamour се обидела да ја развесели кажувајќи и: „Да, но сепак ти си таа која последна се смее!“, на што Адел само цинично одговорила: „Не баш. Тој се ожени, а јас се уште сум сама.“