Британската роза, Адел, ги оперирала гласните жици и сака што побрзо да се врати пред публиката.

Адел вчера беше на ласерска операција на грлото во Бостон кај угледен доктор. Истиот пред пет години ги оперирал гласните жици на Стивен Тајлер. Адел веќе три месеци се бори со воспаление на гласните жици, поради што откажа бројни настапи, а на крајот заврши и на операција.

Адел се надева дека брзо ќе се опорави и дека ќе ги надокнади пропуштените настапи. Сака што побрзо да се врати пред публиката, а пеењето го смета за свое хоби и живот.

„Пеењето е мојот живот, моето хоби, мојата слобода и сега мојата работа“, напиша пејачката на својот блог.